Ой сларлық оқып корініздер
Самарқандта жүргенімде қолы күймейтін ұста жайлы əңгімені көп ести бердім. Оның қолы шоқ ұстаса да күймейді көрінеді. Тіпті адам сенгісіз. Оның неліктен қолы отқа күймейтінін ешкім де білмейді екен. Сырын жеке білгім кеп, өзінің алдына сəлем беріп кіріп шығуға бел будым. Бардым. Амандастым. Жасы келген ер кісі екен. Өзімді таныстыра беріп едім, мені төрге отырғызып, дастарқан жайды. Не үшін келгенімді білген соң, ол кісі сəл күрсініп қойды да:
-Мен оның сырын айтайын,-деді, бозбала кезімде бір қызға ғашық едім. Өзім жыртық қалталы кедей болатынмын. Ал, қыздың ата-анасы маған қызын бергілері келмеді. Уақыт өте, жағдайымды түзедім. Бəрі бар еді. Сол жылдары аштық етек алып, жұрттар аштан қырылып қалған. Мен ғашық болған қыздың ата-анасы да дүние салған екен. Қайдам, мен күтпеген жағдай боп, есігімді сол баяғы қыз тоқылдатты. Менен бір түйір нан сұрады. Мен өз нəпсімді ойлап, не қалайтынымды айттым. Ол қыз болса, аш болып тұрса да, -Аллаһтан қорқамын,- деп кетіп қалды. Екінші күн тағы келді. Түрі кешегіден гөрі əлсіз, шамасыз көрінді. Тағы да бір түйір нан сұрады. Мен өз дегенімнен қайтпай, қалауымды берсең, бəрі сенікі дедім. Ол: -Аллаһтан қорқамын,-деп тағы бас тартып кетіп қалды. Үшінші күні тіптен аяғын əрең басып есігімнің алдына келді. Мен тағы ойымды айта бергенде, ол: -Аллаһтан қорықсам, маған не дейсіз?!-деп жылап жіберді. Неткен иманды қыз еді! Қарны ашып тұрса да, күнə жасауға қатты қорықты. Ал, мен еркек бола тұра, Құдайдан қалайша қорықпай нəпсіме еріп, күнə жасауға дайынмын? Жүрегім дір ете қалды. Құдайдан қорыққанымнан, қызды тезірек үйге кіргізіп, алдына тамақ үйіп тастадым. Бір түйір нанды жер-жеместен қыз Аллаһтан дұға ете бастады:-Уа, Жаратушы Аллаһым, бұл адамды екі дүниеде де отқа күйдіре көрме...,-деп, даусы əлсізденіп, жан тапсырды. Мен сол кезде отқа тамақ ысытып жатқан едім, қолыма бір шоқ тиіп кетті. Күймеді. Содан бері неше жыл өтті. Міне, осы кезге дейін қолым бір рет те күймепті. Аллаһ, Ақырет күнінде де күйдіре көрмесін...,-деп басын төмен салбыратты.
Қанша нəпсіге беріліп тұрсақ та, Аллаһ бізді көріп тұрғанын ұмытпайық. Қандай күнə жасайтын болсақ та, оның жазасы бар. Ол - тозақ...